admin
عید الفطر سے قبل ملک میں فائیو جی سروس کا آغاز، پی ٹی اے نے فائیو جی لائسنسوں کے اجرا کی تیاری مکمل کر لی۔
فائیوجی سپیکٹرم حاصل کرنے والی کمپنیوں کو کل لائسنس جاری کئے جائیں گے، ٹیلی کام کمپنیوں کو وزیراعظم ہاؤس میں منعقدہ خصوصی تقریب میں لائسنس جاری کئے جائیں گے۔
فائیو جی سپیکٹرم حاصل کرنے والی کمپنیوں کی قیادت کو تقریب میں شرکت کے دعوت نامے موصول ہو گئے، وزیر اعظم شہباز شریف تقریب کے مہمان خصوصی ہوں گے۔
وفاقی وزیرآئی ٹی شزہ فاطمہ خواجہ، چیئرمین پی ٹی اے اور متعلقہ حکام تقریب میں شریک ہوں گے جبکہ وفاقی وزراء محمد اورنگزیب، وزیر اطلاعات عطااللہ تارڑ اور دیگر کابینہ ارکان کی بھی تقریب میں شرکت متوقع ہے۔
لائسنس کے حصول کے لئے کمپنیوں نے 15 ملین ڈالر کی بینک گارنٹی جمع کروا دی ہے، ٹیلی کام کمپنیوں نے پہلے ہی فائیو جی سروس شروع کرنے کی تیاریاں مکمل کر لی ہیں تاہم لائسنس جاری ہونے کے فوری بعد کمپنیاں اسلام آباد سمیت بڑے شہروں میں فائیو جی سروس لانچ کر دیں گئی۔
