admin
سیشن کورٹ لاہور نے جوئے کی ایپ کی غیر قانونی پروموشن کے مقدمے میں ٹک ٹاکر ندیم مبارک کی عبوری ضمانت درخواست واپس لینے کی بنیاد پر خارج کر دی۔
ایڈیشنل سیشن جج منصور قریشی نے عبوری ضمانت سے متعلق تحریری حکم جاری کر دیا۔ عدالتی حکم کے مطابق ندیم مبارک کے وکیل نے عدالت سے عبوری ضمانت کی درخواست واپس لینے کی استدعا کی تھی۔
تحریری حکم میں کہا گیا ہے کہ عدالت درخواست گزار کی جانب سے درخواست واپس لینے کی بنیاد پر عبوری ضمانت کی درخواست خارج کرتی ہے۔
مقدمہ نیشنل سائبر کرائم انویسٹی گیشن ایجنسی نے ندیم مبارک سمیت دیگر افراد کے خلاف درج کر رکھا ہے۔
اسی کیس میں عدالت نے یوٹیوبر رجب بٹ سمیت دیگر ملزمان کی عبوری ضمانت میں توسیع کر رکھی ہے۔
