میٹرک اور انٹر کے پریکٹیکلز لینے کا طریقہ کار تبدیل

لاہور تعلیمی بورڈ نے میٹرک اور انٹرمیڈیٹ کے پریکٹیکلز لینے کے طریقہ کار میں اہم تبدیلیاں کر دی ہیں تاکہ امتحانات میں شفافیت اور درستگی کو یقینی بنایا جا سکے۔

نئے نظام کے تحت پریکٹیکل کا تحریری حصہ اب امتحانی مرکز کی بجائے بورڈ کے مارکنگ سینٹر میں چیک ہو گا، اور ایگزمینر صرف عملی امتحان کے نمبر دینے کے مجاز ہوں گے۔

پریکٹیکل امتحان اب پچاس فیصد عملی اور پچاس فیصد تھیوری پر مشتمل ہو گا، جس سے ایگزمینر صرف عملی پرفارمنس کے نمبر دیں گے۔

سیکرٹری لاہور بورڈ  نے بتایا کہ اس نئے نظام سے امیدواروں کی شکایات کا ازالہ ممکن ہو گا اور امتحانی سینٹرز میں مارکنگ کے دوران ہونے والے فرق کو ختم کیا جا سکے گا۔

پنجاب بھر میں ہر سال تقریباً 48 لاکھ امیدوار امتحان دیتے ہیں، جن میں سے 9 لاکھ امیدوار لاہور سے امتحان دیتے ہیں، نئے پریکٹیکل سسٹم کے تحت امیدواروں کے نتائج میں درستگی اور شفافیت آئے گی۔