admin
اوگرا حکام نے پٹرول اور ڈیزل کی قیمتوں کے تعین کا طریقہ کار ہفتہ وار کرنے پر غور شروع کر دیا ہے۔
ذرائع کے مطابق، پٹرولیم لیوی میں کمی خارج از امکان ہے کیونکہ اس سے آئی ایم ایف معاہدہ متاثر ہو سکتا ہے۔ موجودہ لیوی کی شرح پٹرول پر 84 روپے اور ڈیزل پر 77 روپے فی لٹر ہے۔
گزشتہ پندرہ روزہ فارمولا کے بجائے اب ہفتہ وار قیمت تعین کرنے کا آپشن بہتر قرار دیا گیا ہے تاکہ عالمی مارکیٹ میں تیل کی قیمت میں اچانک اضافے کے اثرات کو سنبھالا جا سکے۔ ذرائع کا کہنا ہے کہ اگر پندرہ روز کا فارمولا جاری رہا تو بجٹ پر شدید بوجھ پڑنے کا امکان ہے۔
تیل کی قیمتوں میں ممکنہ تبدیلی 16 مارچ سے پہلے متوقع ہے، جس سے صارفین پر اثرات مرتب ہو سکتے ہیں۔
