محسن نقوی نے کپاس کے سرٹیفائیڈ بیج کی دستیابی ہر صورت یقینی بنانے کی ہدایت کرتے ہوئے کہاکہ سرٹیفائیڈ بیج کے حصول کے لئے وفاقی حکومت سے بھی معاونت حاصل اور ناقص بیج و جعلی پیسٹی سائیڈ ز بیچنے والوں کے خلاف کارروائی کی جائے۔اسیطرح کپاس کے اہداف حاصل کرنے والے کاشتکاروں، انتظامی افسران اور محکمہ زراعت کے عملے کی حوصلہ افزائی کی جائے گی۔

نگران وزیراعلی پنجاب نے لندن روانگی سے قبل خصوصی اجلاس میں محکمہ زراعت،انتظامیہ اور محکمہ اطلاعات کو کپاس کی کاشت کا رقبہ بڑھانے کیلئے بھرپور مہم چلانے کا حکم دیا۔اجلاس میں صوبائی وزرا ایس ایم تنویر، عامر میر، اپٹما کے پیٹرن انچیف گوہر اعجاز،فواد مختار، شاہد ستار، ڈاکٹر جواد، سیکرٹریز،چیئرمین پنجاب انفارمیشن ٹیکنالوجی بورڈ،چیف ایگزیکٹو آفیسر پنجاب سرمایہ کاری بورڈ اور متعلقہ حکام نے شرکت کی جبکہ چیف سیکرٹری، سیکرٹری زراعت جنوبی پنجاب، کمشنرز اورزرعی یونیورسٹی فیصل آباد کے وائس چانسلر ویڈیو لنک کے ذریعے شریک ہوئے۔