پنجاب حکومت نے گندم کی امدادی قیمت 3900روپے فی من مقرر کر دی

ترجمان محکمہ خوراک نے کہا ہے کہ پنجاب حکومت نے کسان بھائیوں کو ان کی گندم کی فصل کا معقول معاوضہ دینے کے لیے گندم کی امدادی قیمت 3900روپے فی من مقرر کی ہے۔محکمہ خوراک پنجاب مقرر کردہ گندم کی امدادی قیمت پر گندم کی خریداری کو جاری رکھے ہوئے ہے۔ محکمہ خوراک پنجاب حکومت کی جانب سے تمام کسان بھائیوں اور عوام الناس کو مطلع کیا جاتا ہے کہ مارکیٹ میں اس وقت گندم کی امدادی قیمت کے متعلق مختلف قسم کی افواہیں گردش کر رہی ہیں جس میں کوئی صداقت نہیں ہے،گندم کی امدادی قیمت 3900 روپے فی من ہی رہے گی،محکمہ خوراک اسی امدادی قیمت پر گندم کی خریداری کر رہا ہے اور انشااللہ اسی قیمت پر خریداری کرتا رہے گا۔

ترجمان کے مطابق محکمہ خوراک کی جانب سے تمام کسان بھائیوں اور عوام الناس کو مطلع کیا جاتا ہے کہ وہ اس طرح کی افواہوں پر ہرگز یقین نہ کریں اور اپنی گندم کا معقول معاوضہ حاصل کرنے کے لیے اپنی گندم محکمہ خوراک کو فروخت کریں۔