پاکستان میں پپیتے کا زیرکاشت رقبہ 1565ہیکٹرز اور پیداوار8972ٹن سے بھی تجاوز کر گئی،ماہرزراعت
ماہرزراعت وسابق ڈپٹی ڈائریکٹرمحکمہ زراعت (توسیع)قصورنویدامجدنے کہا کہ پاکستان میں پپیتے کا زیر کاشت رقبہ 1565ہیکٹرز اور پیداوار8972ٹن سے بھی تجاوز کر گئی ہے جبکہ پنجاب کے گرم مرطوب علاقوں اور سندھ کے اضلاع نواب شاہ، سانگھڑ، سکھر، ٹھٹھہ، بدین کو پپیتے کی کاشت کیلئے آئیڈیل قرار دیاگیا ہے۔ انہوں نے ”اے پی پی“کوبتایا کہ پنجاب کے گرم مرطوب علاقوں میں پپیتے کی کاشت کے رقبہ میں اضافہ ہو رہا ہے، پاکستان کے علاوہ سری لنکا، ہوائی، تھائی لینڈ اور بھارت میں بھی وسیع رقبے پر پپیتے کی کاشت ہو رہی ہے۔انہوں نے کہاکہ پپیتا اپنی مخصوص غذائی افادیت و شاندار طبی خصوصیات کی وجہ سے ایک منفرد پھل کی حیثیت رکھتاہے۔