لیچی کی کامیاب کاشت کے لئے گرم مرطوب آب و ہواشاندار اثرات کی حامل ثابت ہوتی ہے،ماہرین زراعت

لیچی کی کامیاب کاشت کے لئے گرم مرطوب آب و ہواشاندار اثرات کی حامل ثابت ہوتی ہے جبکہ موسم گرما کے دوران پودے کی درست نشوونما اور بڑھوتری کے لئے ہوامیں نمی کا ہونا بھی ضروری ہے۔ ماہرین زراعت نے بتایا کہ زیرو ڈگری سینٹی گریڈ سے کم اور 45 ڈگری سینٹی گریڈ سے زیادہ درجہ حرارت لیچی کے لئے انتہائی مہلک ہوتاہے۔

انہوں نے کہا کہ باغبان رواں ماہ مارچ کے دورا ن لیچی کے نئے پودے بھی لگاسکتے ہیں۔ ماہرزراعت وسابق ڈپٹی ڈائریکٹرمحکمہ زراعت (توسیع)قصورنویدامجد نے”اے پی پی“کو بتایا کہ فن باغبانی میں پودوں کاصحیح انتخاب ہی دراصل باغبان کی کامیابی کارازہے۔ انہوں نے کہا کہ اگر ماہرین زراعت یا محکمہ زراعت کی مشاورت سے سفارش کردہ اقسام کے صحت مند ومعیاری پودے لگائے جائیں تو صحیح النسل ہونے کے باعث وہ بہترین پیداوار دیتے ہیں۔انہوں نے بتایا کہ نئے پودے لگانے کے لئے اس بات کا بھی خاص خیال رکھناچاہیے کہ وہ علاقے کی زمین اور موسم سے مطابقت رکھنے کے علاوہ مناسب قدو عمرکے ہوں جنہیں اچھے روٹ سٹاک سے پیوند کیاگیاہو