گاجرکی اچھی پیداو ار کیلئے گہری زرخیز میرازمین کے انتخاب کی ہدایت

محکمہ زراعت قصور نے گاجرکی اچھی پیداو ار کیلئے گہری زرخیز میرازمین کے انتخاب کی ہدایت کی ہے اورکہاہے کہ کاشتکار گاجرکی اگیتی کاشت اور اچھی پیداوار کیلئے ایسی گہری زرخیز میرازمین کا انتخاب کریں جس میں پانی کے نکاس کا مناسب انتظام نہ ہو۔ ترجمان محکمہ زراعت قصورنے”اے پی پی“کو بتایا کہ گاجر کی کاشت کیلئے زمین کو تین سے چار مرتبہ ہل چلانے کے بعد سہاگہ دیتے ہوئے اچھی طرح تیار کرلیناچا ہئے اور اس میں 10 سے 15ٹن گوبرکی گلی سڑی کھاد فی ایکڑ بھی ملا دینی چا ہئےتاکہ اس کی زرخیزی میں اضافہ ہوسکے۔

 انہوں نے بتایا کہ زمین کو 2دفعہ راؤنی دیکر مناسب وتر حالت میں رکھناچا ہئے اورزمین کی تیاری کے وقت 2بوری ڈی اے پی اور ایک بوری پوٹاش بھی فی ایکڑ ڈال کر آبپاشی کردینی چاہئے۔انہوں نے کہا کہ گاجر کی کاشت کیلئے جڑی بوٹیوں سے پاک 6 سے 8کلوگرام فی ایکڑ بیج کا استعمال شاندار فصل کا ضامن ہوسکتاہے