گلابی سنڈی کپاس کا انتہائی نقصان دہ کیڑا ہے،ترجمان محکمہ زراعت قصور
ترجمان محکمہ زراعت قصور نے کہا ہے کہ گلابی سنڈی کپاس کا انتہائی نقصان دہ کیڑا ہے جو کپاس کی فصل کے بعد اپنی زندگی کا دورانیہ کپاس کی باقیات پرمکمل کرتاہے‘ گلابی سنڈی کے انسداد کا ایک موثر طریقہ سرمائی نیندسوئی سنڈیوں کی تلفی ہے۔
انہوں نے ”اے پی پی“کوبتایا کہ کپاس کی چھڑیوں کو کاٹ لیں اور بعدازاں کھیت میں فوری طورپر چیزل ہل چلائیں تاکہ کھیت میں موجود گلابی سنڈی کے پیوپے اور سرمائی نیندسوئی ہوئی سنڈیاں تلف ہوجائیں گی اور پروانوں کے باہر نکلنے کا خطرہ مکمل طورپر ختم ہوجائے۔ انہوں نے کہا کہ کپاس کی کاٹی گئی چھڑیوں کو کھیتوں سے نکال کر چھوٹے چھوٹے گٹھے بناکر عمودی حالت میں دھوپ میں اس طرح رکھیں کہ ان کے مڈھ زمین کی جانب ہوں‘کپاس کے بقیہ ان کھلے اور متاثرہ ٹینڈوں کی تلفی بھی یقینی بنائیں