ملک میں کاروں کی فروخت میں جاری مالی سال کی پہلی سہ ماہی میں سالانہ بنیادوں پر56 فیصد کمی

ملک میں کاروں کی فروخت میں جاری مالی سال کی پہلی سہ ماہی میں سالانہ بنیادوں پر56 فیصدکی کمی ریکارڈکی گئی ہے۔آل پاکستان آٹومینوفیکچررزایسوسی ایشن کے اعدادوشمارکے مطابق جاری مالی سال کی پہلی سہ ماہی میں ملک میں 25589یونٹس کاروں کی فروخت ریکارڈکی گئی جوگزشتہ مالی سال کی اسی مدت کے مقابلہ میں 56 فیصدکم ہے، گزشتہ مالی سال کی اسی مدت میں ملک میں 57539 یونٹس کاروں کی فروخت ریکارڈکی گئی تھی۔

ستمبرکے مہینہ میں ملک میں 9213 یونٹس کاروں کی فروخت ریکارڈکی گئی جو اگست کے مقابلہ میں 3 فیصدزیادہ اورگزشتہ سال ستمبرکے مقابلہ میں 51 فیصدکم ہے،اگست میں ملک میں 8980 یونٹس کاروں جبکہ گزشتہ سال ستمبرمیں ملک میں 18971 یونٹس کاروں کی فروخت ریکارڈکی گئی تھی۔

1300 سوسی سی اوراس سے زیادہ پاورکی کاروں کی فروخت میں پہلی سہ ماہی کے دوران 36 فیصدکی کمی ریکارڈکی گئی ہے۔ پہلی سہ ماہی میں 1300 سوسی سی اوراس سے زیادہ پاورکی 14862 یونٹس کاروں کی فروخت ریکارڈکی گئی جوگزشتہ مالی سال کی اسی مدت میں 23316 یونٹس تھی۔1000 سی سی کی کاروں کی فروخت میں پہلی سہ ماہی کے دوران سالانہ بنیادوں پر79 فیصدکی کمی ریکارڈکی گئی ہے۔پہلی سہ ماہی میں ملک میں ایک ہزارسی سی کے 3236 یونٹس کاروں کی فروخت ریکارڈکی گئی جوگزشتہ مالی سال کی اسی مدت میں 15602 یونٹس تھی۔ایک ہزارسی سی سے کم پاورکی کاروں کی فروخت میں پہلی سہ ماہی کے دوران 60 فیصدکی کمی ریکارڈکی گئی ہے