سویابین کی کاشت بروقت مکمل اور میرازمین کے انتخاب کی ہدایت
ترجمان محکمہ زراعت نے سویابین کی کاشت بروقت مکمل کرنے اور میرازمین کے انتخاب کی ہدایت کی ہے۔ انہوں نے بتایا کہ سویابین کی فصل خریف کی کاشت مقررہ مدت تک مکمل کرنے سے اس کی بڑھوتری کا عمل احسن طریقے سے جاری رہتاہے، سویابین کی اچھی پیداوارکے حصول کیلئے میرازمین کا انتخاب ضروری ہے جبکہ سویابین کی منظورشدہ اقسام ولیمز82،این اے آر سی 1،این اے آر سی2‘فیصل سویابین فی ایکڑ بمپرکراپ کی فراہمی کی ضامن ہیں۔ انہوں نے دوران ملاقات”اے پی پی“کو بتایا کہ میرازمین کیلئے ضروری ہے کہ اس میں پانی کا اچھا نکاس موجود ہو تاکہ فصل کو نقصان پہنچنے کا احتمال نہ رہے‘ زمین کی تیاری کیلئے کھیت میں دو سے تین مرتبہ ہل چلانے کے علاوہ اسے سہاگہ دیاجائے نیز فصل کی کاشت صبح یا شام کے اوقات میں اس وقت کی جائے جب زمین تروترحالت میں موجود ہو