ڈپٹی ڈائریکٹرمحکمہ زراعت(توسیع)قصورمحمداکرم طاہرنے کہا ہے کہ ٹماٹرکے کاشتکار فصل کی آبپاشی میں احتیاط برتیں ،موسمی درجہ حرارت کی تبدیلی کے باعث فصل کو 15 سے 20روز کے بعد پانی لگایاجائے۔

انہوں نے ”اے پی پی“ سے گفتگو کرتے ہوئے کہاہے کہ ٹماٹرکی فصل سے جڑی بوٹیوں کی تلفی کے لئے ابتدائی ایام میں ہی 2 سے 3مرتبہ مناسب گوڈی کردی جائے تاکہ پودوں کو نقصان نہ پہنچ سکے، گوڈی کرتے وقت ٹماٹرکے پودوں پرمٹی چڑھا دیں اور پودوں کا رخ پٹڑیوں کی جا نب کرتے رہیں تاکہ ٹماٹر پانی میں گر کر ضائع نہ ہو۔

کاشتکار جڑی بوٹیوں کے کیمیائی انسدادکیلئے ماہرین زراعت کی سفارش کردہ زہروں کا سپرے کریں،اگر فصل کے بارے میں کوئی معلومات درکارہوں تو اس سلسلہ میں فوری طورپر ماہرین زراعت یا محکمہ زراعت کے فیلڈسٹاف یا توسیع و پیسٹ وارننگ کے عملہ سے بھی رابطہ کیاجاسکتاہے