اسلام آباد : وزیرخزانہ مفتاح اسماعیل نے چیئرمین ایف بی آرعاصم احمد کومئی 2022 میں 490 ارب روپے کی ٹیکس وصولی پر مبارک باد پیش کی۔

تفصیلات کے مطابق وزیرخزانہ مفتاح نے سماجی رابطے کی ویب سائٹ ٹوئٹر پر چیئرمین ایف بی آرعاصم احمد کو مئی 2022 میں 490 ارب روپے کی ٹیکس وصولی پرمبارک باد پیش کرتے ہوئے کہا ایف بی آر نے پٹرولیم مصنوعات پر سیلز ٹیکس کے بغیر گزشتہ سال کے مقابلے میں ستائیس فیصد یا ایک سو تین ارب روپے زیادہ جمع کیے ہیں۔

مفتاح اسماعیل کا کہنا تھا کہ ٹیکس دہندگان کوریفنڈز کی مد میں تیس ارب روپے فراہم کیے ، جو گزشتہ مالی سال کی نسبت رواں مالی سال کے گیارہ ماہ کے مقابلے میں چوالیس فیصد یعنی نوارب روپے زائد ہے۔

یاد رہے پی ٹی آئی حکومت کی پالیسیوں کی وجہ سے پاکستان نے ملکی تاریخ میں دوسری بار سب سے بڑا ٹیکس ہدف طے کرلیا ، ایف بی آر نے مئی دوہزار بائیس میں چار سو نوے ارب روپے کا ٹیکس ریوینو جمع کیا۔

رواں مالی سال میں ایف بی آر نے گیارہ ماہ کے دوران پانچ کھرب چونتیس ارب نوے کروڑ روپے کے ٹیکس جمع کر چکا ہے جو پچھلے مالی سال کے مقابلے میں اٹھائیس اعشاریہ چار فیصد زائد ہیں۔ جبکہ پی ٹی آئی حکومت نے پانچ کھرب اٹھ سو ارب روپے کا ٹیکس جمع کرنے کا ہدف رکھا تھا۔

معاشی ماہرین کا کہنا ہے کہ اگر حکومت تبدیل نہ کی جاتی تو پاکستان بغیر پیٹرولیم لیوی اور سیلز ٹیکس کے تقریبا چھ کھرب روپے سے زائد کے ٹیکس جمع کر سکتا تھا۔

By admin

Leave a Reply

Your email address will not be published.